Andri Þór Ólafsson

Tommy Fredsgaard Nielsen hefur verið ráðinn þjálfari meistaraflokk karla í knattspyrnu hjá Knattspyrnufélaginu Reyni Sandgerði fyrir næsta leiktímabil. Skrifað var undir samning við Tommy í Reynisheimilinu í Sandgerði laugardaginn 1. nóvember.

Arnór Siggeirsson sem spilaði með liðinu síðastliðið sumar skrifaði einnig undir samning sem aðstoðarþjálfari og leikmaður fyrir komandi tímabil. Þá skrifuðu leikmennirnir Valur Magnússon og Alex Reynisson undir samninga en báðir léku þeir með félaginu á síðasta tímabili.

Hópur félagsmanna var viðstaddur undirskriftina en boðið var upp á súpu og brauð frá Magnúsi Þórissyni á Réttinum og sköpuðust góðar umræður um það sem framundan er.

Hannes Jón Jónsson nýkjörinn formaður knattspyrnudeildarinnar lítur komandi tímabil björtum augum og er ánægður með ráðningu nýrra þjálfara. „Við fórum nýja leið í ár og auglýstum eftir aðalþjálfara til stýra liðinu á komandi tímabili. Við fengum rúmlega 20 umsóknir sem kom skemmtilega á óvart og voru nokkrar mjög góðar. Stjórnin var þó sammála um að bjóða Tommy verkefnið. Við erum mjög ánægð með ráðninguna og hlökkum til samstarfsins“.

Tommy Fredsgaard Nielsen hefur mikla reynslu í knattspyrnuheiminum bæði sem leikmaður og þjálfari. Hann lék meðal annars með AGF í Danmörku áður en hann kom til Íslands þar sem hann spilaði lengst af með FH og Fjallabyggð. Tommy hefur einnig sinnt þjálfun síðustu ár m.a. hjá FH í fjögur ár, Þrótti, Víði og Grindavík. Tommy segist spenntur fyrir starfinu og hlakkar til þess að vinna með öflugu liði Reynis. „Liðið stóð sig vel í sumar þar sem það hafnaði í 5. sæti 3. deildar. Við sjáum fyrir okkur að byggja liðið áfram upp á heimamönnum og tel ég að við höfum alla burði til þess að ná góðum árangri næsta sumar. Ég hlakka til þess að takast á við þetta metnaðarfulla verkefni og leggja mitt af mörkum fyrir Reyni Sandgerði“ sagði Tommy í kjölfar undirritunar.

———————

Frekari upplýsingar veita:

Hannes Jón Jónsson, formaður knattspyrnudeildar í síma: 861-9891

Marino Oddur Bjarnason, varaformaður knattspyrnudeildar í síma: 696-2677

Knattspyrnufélagið Reynir, knattspyrnudeild, auglýsir eftir þjálfara til starfa vegna meistaraflokk karla fyrir tímabilið 2025-2026.

Félagið sem í ár fagnaði 90 ára afmæli sínu spilar í 3. deild Íslandsmóts KSÍ en liðið hafnaði í 5. sæti deildarinnar sumarið 2025.

Leitað er eftir öflugum og metnaðarfullum þjálfara sem er tilbúinn til að leiða starf meistaraflokks karla fyrir tímabilið 2025-2026, eða lengur.

Æskilegt er að viðkomandi geti hafið störf sem fyrst.

Menntunar- og hæfniskröfur

– Þjálfaramenntun er skilyrði eða áætlun um að mennta sig sem þjálfari

– Æskilegt er að umsækjandi hafi reynslu af þjálfun í knattspyrnu

– Krafist er framúrskarandi leiðtoga- og samskiptahæfileika

– Mikilvægt er að viðkomandi geti unnið sjálfstætt, undir álagi og hafi hæfileika til að vinna með öðrum

– Jákvæðni, frumkvæði og drifkraftur

– Almenn tölvufærni og hæfni til að tjá sig í rituðu og töluðu máli, á íslensku og ensku

– Hreint sakavottorð er skilyrði

Um starfið

– Umsjón með skipulagningu æfinga og leikja

– Þátttaka í mótum

– Samskipti við stjórn og leikmenn

– Þátttaka í starfi félagsins eins og við á hverju sinni

Umsóknarfrestur er til og með mánudeginum 27. október 2025.

Umsóknir og kynninngarbréf þar sem gerð er grein fyrir áhuga á starfinu skulu sendar á netfangið hannesjonsson73@gmail.com

Frekari upplýsingar um þjálfarastarfið veita:

Hannes Jón Jónsson, formaður knattspyrnudeildar í síma: 861-9891
Marino Oddur Bjarnason, varaformaður knattspyrnudeildar í síma: 696-2677

Öllum umsóknum verður svarað og farið með þær sem trúnaðarmál.

Á aðalfundi knattspyrnudeildar Reynis sem fór fram miðvikudaginn 1. október var ný stjórn deildarinnar kjörin.

Ný stjórn er þannig skipuð:

Hannes Jón Jónsson, formaður
Marinó Oddur Bjarnason, varaformaður
Margrét Bjarnadóttir, gjaldkeri
Bergný Jóna Sævarsdóttir, ritari
Ómar Svavarsson, meðstjórnandi
Jóhann Jóhannsson, meðstjórnandi
Haukur Sveinn Hauksson, meðstjórnandi
Guðmundur Fannar Sigurbjörnsson, varamaður
Eyþór Örn Haraldsson, varamaður
Heiða Rafnsdóttir, varamaður

Nýkjörin stjórn þakkar fráfarandi stjórnarmönnum fyrir þeirra framlag til félagsins og hlakkar til að takast við þau fjölmörgu verkefni sem deildin sinnir.

Boðað er til aðalfundar knattspyrnudeildar Knattspyrnufélagsins Reynis. Fundurinn fer fram miðvikudaginn 1. október 2025 í Reynisheimilinu við Stafnesveg í Sandgerði og hefst kl. 19:30.

 Á dagskrá eru hefðbundin aðalfundarstörf samkvæmt lögum Knattspyrnufélagsins Reynis.

Allir skuldlausir félagsmenn deildarinnar, 16 ára og eldri, hafa atkvæðisrétt og kjörgengi á aðalfundi deildarinnar.

Stjórn knattspyrnudeildar
Knattspyrnufélagsins Reynis

Það var viðeigandi að 15. september 2025, á 90. ára afmælisdegi Knattspyrnufélagsins Reynis, væri Sveinn Pálsson sæmdur gullmerki Knattspyrnusambands Íslands. Sveinn er fæddur árið 1924, er heiðurfélagi í Reyni og eini núlifandi stofnfélagi félagsins. Þá er hann höfundur að hinu glæsilega merki Reynisfélagsins sem allt Reynisfólk er ákaflega stolt af. Það var Þorvaldur Örlygsson, formaður KSÍ, sem sæmdi Svein gullmerkinu á heimili hans í Garðabæ og með honum voru Eysteinn Pétur Lárusson framkvæmdastjóri KSÍ og Andri Þór Ólafsson formaður knattspyrndudeildar Reynis.

Knattspyrnufélagið Reynir óskar Sveini Pálssyni til hamingju með heiðurinn og þakkar honum ómetanlegt framlag til félagsins.

Frá vinstri: Sveinn Pálsson og Þorvaldur Örygsson, formaður KSÍ 

Frá vinstri: Andri Þór Ólafsson, formaður KSD Reynis, Sveinn Pálsson og Þorvaldur Örlygsson, formaður KSÍ

Myndir: Eysteinn Pétur Lárusson/KSÍ