Andri Þór Ólafsson

Reynismenn munu leika á Brons vellinum sumarið 2023 en á dögunum undirrituðu Þorsteinn Þorsteinsson, einn af eigendum Brons, og Andri Þór Ólafsson, formaður knattspyrnudeildar Reynis, samning þess efnis.

Þorsteinn segist spenntur fyrir samstarfinu. “Við bræður höfum staðið við bakið á Reynismönnum lengi, bæði af og á velli og frábært að halda því áfram og nú í gegnum nýjasta vörumerkið okkar, Brons.”

Brons Keflavík er sportbar sem opnaður var í lok síðasta árs í húsnæði þar sem Bókabúð Keflavíkur var til margra áratuga. Eigendur eru bræðurnir Magnús Sverrir og Þorsteinn Þorsteinssynir og makar þeirra.

“Við höfum átt í frábæru samstarfi við þá bræður síðustu ár og við erum mjög ánægð með að halda því farsæla samtarfi áfram á Brons vellinum. Það er mjög mikilvægt fyrir okkur að vera með öflugt bakland fyrirtækja sem styðja vel við sitt nærsamfélag.”  sagði Andri við undirritun samnings.

Fyrsti leikur meistaraflokks í Íslandsmótinu verður á Brons vellinum laugardaginn 6. maí nk. kl 16 gegn Magna frá Grenivík.

Sóknarmaðurinn Kristófer Páll Viðarsson er genginn til liðs við Reyni á láni frá Grindavík. Stuðningsfólk Reynis ætti að þekkja Kristófer vel en hann lék með liðinu árið 2021 og hóf síðasta tímabil með Reyni. Hann hóf sinn feril með Leikni Fáskrúðsfirði og á að baki 194 leiki í meistaraflokki. Kristófer hefur skorað 65 mörk, þar af 15 fyrir Reynismenn.

“Ég er mjög sáttur að koma heim í Reyni. Tíminn hér var að mörgu leyti uppáhalds fótboltatímabilið mitt og ég get ekki beðið eftir að hjálpa liðinu í sínum háleitu markmiðum” sagði Kristófer af þessu tilefni.

Stjórn knattspyrnudeildar Reynis býður Kristófer velkominn aftur heim og hlakkar til sjá hann aftur í hvítu treyjunni.

Brasilíski sóknarmaðurinn Julio Cesar Fernandes hefur skrifað undir samning við Reyni um að leika með liðinu í 3. deild karla á komandi tímabili. Hann lék með KF í 2. deildinni í fyrra og skoraði þar 16 mörk í 20 leikjum.  Julio er 26 ára og hefur meðal annars verið á mála hjá liðum í Brasilíu, Finnlandi og Svíþjóð.

Stjórn knattspyrnudeildar Reynis býður Julio hjartanlega velkominn og hlakkar til að sjá hann í Reynistreyjunni á komandi tímabili.

Á dögunum undirrituðu Andri Þór Ólafsson, formaður ksd. Reynis og Hörður Sveinsson, sölu- og markaðsstjóri Ný-Fisks, endurnýjaðan samstarfs- og styrktarsamning sem gildir út árið 2026. Ný-Fiskur verður því áfram einn af aðalstyrktaraðilum deildarinnar og mun merki þeirra prýða búninga meistaraflokks áfram næstu þrjú árin.

Stuðningur Ný-Fisks er ksd. Reynis gríðarlega mikilvægur til að viðhalda þeirri glæsilegu umgjörð sem byggst hefur upp á síðustu árum. Stjórn ksd. Reynis þakkar stuðninginn á liðnum árum og hlakkar til áframhaldandi samstarfs.

Knattspyrnumaðurinn reynslumikli, Einar Orri Einarsson er genginn til liðs við Reyni en hann skrifaði undir samning í dag og verður hjá félaginu út tímabilið 2023. Einar er 33 ára miðjumaður en hann á að baki 326 leiki með Keflavík, Kórdrengjum og Njarðvík.

“Ég er mjög ánægður með að ganga til liðs við Reyni. Þetta er félag með langa sögu og mikla ástríðu. Ég hlakka til að láta til mín taka á vellinum í hvítu treyjunni” sagði Einar af þessu tilefni.

Knatttspyrnudeild Reynis fagnar samkomulaginu við Einar og hlakkar til að sjá hann í Reynistreyjunni á komandi keppnistímabili.

Sandgerðingurinn ungi og efnilegi, Elfar Máni Bragason hefur samið við Reyni um að spila með liðinu til næstu tveggja tímabila. Elfar er fæddur árið 2004 og varð því 18 ára á árinu. Hann hefur alla tíð leikið með Reyni og á að baki 43 leiki í meistaraflokki og hefur skorað í þeim 7 mörk. Síðustu ár hefur Elfar leikið með sameiginlegum 2. flokki Keflavíkur/Reynis/Víðis ásamt því að spila með meistaraflokki Reynis.

Elfar lenti í slæmum meiðslum í byrjum síðasta sumars en hann kom aftur til baka í síðasta leik Reynis gegn KFA í september og skoraði þar eitt mark.

Stjórn knattspyrnudeildar Reynis fagnar þessum tíðindum og hlakkar til að sjá Elfar í Reynistreyjunni næstu tvö árin.

Dregið var í Jólalukku Reynis í gær, mánudaginn 19. desember.

Vinningar komu á eftirtalin númer:

Hægt verður að vita vinninga í Reynisheimilinu fimmtudaginn 22. desember frá kl 17-18. Einnig er hægt að hafa samband í síma 698-5283 (Hjördís) til 31. janúar 2023.

Takk enn og aftur fyrir stuðninginn og við óskum vinningshöfum innilega til hamingju!

Sandgerðingurinn Ársæll Kristinn Björnsson hefur framlengt samning sinn við Reyni og gildir samningurinn út tímabilið 2023. Ársæll er 23 ára gamall miðjumaður en hann á að baki 62 leiki í meistaraflokki og hefur skorað í þeim 6 mörk.

Stjórn knattspyrnudeildar Reynis hlakkar til áframhaldandi samstarfs við Ársæl á komandi tímabili.

Varnarmaðurinn Óðinn Jóhannsson hefur skrifað undir áframhaldandi samning við knattspyrnudeild Reynis um að leika með liðinu í 3. deild karla á næsta tímabili.

Óðinn er 25 ára Keflvíkingur en hann á að baki 109 leiki í meistaraflokki og þar af 91 leik með Reyni en hann spilaði 13 leiki í 2. deild karla á síðasta tímabili. Óðinn hefur verið í námi í Bandaríkjunum síðustu ár en er nú alfarið kominn heim til Íslands.

Stjórn knattpyrnudeildar Reynis fagnar þessum tíðindum og hlakkar til að sjá Óðinn á vellinum á komandi tímabili.

Aðalfundur knattspyrnudeildar Reynis fór fram í Reynisheimlinu við Stafnesveg föstudaginn 18. nóvember sl. Á fundinum fóru fram hefðbundin aðalfundarstörf og má sjá fundargerð í heild sinni hér að neðan.

Á fundinum urðu breytingar á stjórn knattspyrnudeildar en þeir Sigursveinn Bjarni Jónsson og Hannes Jón Jónsson ákváðu að stíga til hliðar. Inn í stjórnina komu í þeirra stað Valdís Fransdóttir og Ómar Svavarsson.

Nýkjörin stjórn knattspyrnudeildar Reynis vill nota tækifærið og þakka þeim Sigursveini og Hannesi fyrir ómetanlegt framlag til knattspyrnustarfs í Sandgerði síðustu ár.

Á fundinum voru eftirtaldir aðilar kjörnir í stjórn knattspyrnudeildar Reynis:

Andri Þór Ólafsson, formaður
Hjördís Ósk Hjartardóttir: varaformaður
Margrét Bjarnadóttir, gjaldkeri
Valdís Fransdóttir, ritari
Björn Ingvar Björnsson: meðstjórnandi
Ásdís Ösp Ólafsdóttir: meðstjórnandi
Ástrós Jónsdóttir: meðstjórnandi
Ómar Svavarsson: varamaður
Ása Ingibjörg Sigurbjörnsdóttir: varamaður
Jóhann Jóhannsson: varamaður

fundargerð-aðalfundur ksd 2022