Posts By :

Andri Þór Ólafsson

Afmælishátíð 2025 – Dregið í happdrætti
Afmælishátíð 2025 – Dregið í happdrætti 1920 1080 Knattspyrnufélagið Reynir

Dregið hefur verið í happdrætti KSD Reynis en miðar voru seldir á afmælishátíðinni í gærkvöldi. Aðeins var dregið úr seldum miðum. Heppnir miðaeigendur geta komið í Reynisheimilið á morgun, sunnudaginn 31. ágúst frá kl. 14-15 og á þriðjudaginn 2. september frá kl. 17-18. Hafi fólk ekki tök á að mæta á þessum tímum þá biðjum við ykkur um að hafa samband í síma 698-5283 (Hjördís). Við óskum vinningshöfum til hamingju og þökkum stuðninginn.

Vinningsnúmer eru eftirfarandi:

Afmælishátið KSF Reynis 2025 – Happdrætti
Vinningsnúmer
1 Fúsi Sértak Rautt og hvítt 519
2 Ferðaþjónusta Reykjaness Óskaskrín bröns 63
3 Redder Topplyklasett 387
4 TOS Rautt og hvítt 95
5 TOS Rautt og hvítt 613
6 TOS Rautt og hvítt 125
7 Íþróttamiðstöð Suðurnesjabæjar Mánaðarkort 19
8 Íþróttamiðstöð Suðurnesjabæjar Mánaðarkort 799
9 Íþróttamiðstöð Suðurnesjabæjar 15 skipta kort í rækt 69
10 BYKO Gjafabréf 10.000 kr. 163
11 66 Norður Gjafabréf 20.000 kr. 458
12 Kaffi Gola + Ölgerðin Gjafabréf 5000 kr. og Rautt 573
13 Kaffi Gola Gjafabréf 5000 kr. og Flaska 385
14 Sporthúsið Gjafabréf 599
15 Sporthúsið Gjafabréf 68
16 AG pípulagnir Óskaskrín bröns 141
17 AG pípulagnir Óskaskrín bröns 757
18 AG pípulagnir Rautt og hvítt 681
19 AG pípulagnir Rautt og hvítt 83
20 Allt Fasteignasala Gjafabréf í KEF spa 706
21 Allt Fasteignasala Gjafabréf í KEf spa 352
22 Sjoppan Sandgerði Rautt og hvítt 432
23 Sjoppan Sandgerði Rautt og hvítt 796
24 ÓA Múr Rautt og hvítt 505
25 BRONS Skemmtipíla 291
26 BRONS Karaoke 434
27 BRONS 10.000 kr Inneign 378
28 Smávélaþjónustan + Daría Rautt og Gjafabréf 5000 kr. 279
29 Smávélaþjónusta + Comfyballs Flaska + Gjafabréf 261
30 iStay Rautt og hvítt 418
31 iStay Rautt og hvítt 566
32 Home4u og Bus4u Gjafavara og rauðvín 616

Reynir 90 ára – afmælishátíð
Reynir 90 ára – afmælishátíð 1920 1920 Knattspyrnufélagið Reynir

Auka aðalfundur fer fram 11. september 2025
Auka aðalfundur fer fram 11. september 2025 940 600 Knattspyrnufélagið Reynir
Á fundi aðalstjórnar Ksf. Reynis, sem fór fram 31. júlí s.l. var samþykkt að auka aðalfundur félagsins muni fara fram fimmtudaginn 11. september n.k. Formlega verður boðað til fundarins með auglýsingu í byrjun september.
Kjöri stjórnar var frestað á aðalfundi sem fór fram í febrúar 2025 í ljósi tillögu um stofnun nýs íþróttafélags í Suðurnesjabæ sem þá lá fyrir. Á auka aðalfundi sem fór fram í maí felldu félagar í Ksf. Reyni þá tillögu, en ljóst að enn á kjör í stjórn eftir að fara fram. Það er mat aðalstjórnar að skynsamlegt sé að sá auka aðalfundur fari fram að lokinni afmælishátíð félagsins sem fram í lok ágúst.  Með þeim hætti gefist tóm til að halda utan um skipulagningu og framkvæmd afmælishátíðarinnar. Jafnfram gefst félögum í Ksf. Reyni tími til að hugleiða hvort að þeir vilji gefa kost á sér til setu í aðalstjórn félagsins.

Góðir gestir frá Suðurey
Góðir gestir frá Suðurey 2560 1540 Knattspyrnufélagið Reynir
Reynisfólk tók á móti góðum gestum frá Suðurey í Færeyjum dagana 21. til 23. júlí 2025. Þar voru á ferðinni unglingalið F.C. Suðuroy í knattspyrnu bæði í karla- og kvennaflokki ásamt þjálfurum og fararstjórum. Þau stoppuðu í Sandgerði í tvo daga á leið sinni til þátttöku í Rey Cup í Reykjavík. Hópurinn gisti í Samkomuhúsinu, lék æfingaleiki í Reykjanesbæ og kíkti bæði í Skýjaborg og í sundlaugina í Sandgerði. Á seinna kvöldinu var svo hamborgaraveisla í Reynisheimilinu þar sem íþróttafólkið tók vel til matar síns og meðal gesta voru Bjarni Johansen bæjarstjóri í Vági á Suðurey og Sigursveinn Bjarni Jónsson formaður bæjarráðs Suðurnesjabæjar.
F.C. Suðuroy er sameiginlegt lið V.B. í Vági og nágrannaliðsins Sumba, en sterk vináttutengsl Reynis og V.B. teygja sig aftur á sjötta áratug síðustu aldar. Það eru komin 10 ár síðan lið frá Reyni sótti systurfélag sitt í Vági síðast heim og þessi heimsókn F.C. Suðuroy því ákaflega ánægjuleg.
Knattspyrnufélagið Reynir vill koma séstökum þökkum á framfæri til Suðurnejsabæjar fyrir allan stuðninginn og aðstoðina vegna heimsóknarinnar, til Magnúsar Þórissonar á Réttinum sem bauð öllum hópnum í hádegisverð og til Rauða krossins á Suðurnesjum sem lánaði bedda svo að allir gætu sofið vel.

Tillaga að stofnun nýs íþróttafélags felld á auka aðalfundi
Tillaga að stofnun nýs íþróttafélags felld á auka aðalfundi 2560 1182 Knattspyrnufélagið Reynir

Mánudaginn 12. maí 2025 fór fram auka aðalfundur hjá Ksf. Reyni í Samkomuhúsinu í Sandgerði þar sem á dagskrá var tillaga að stofnun nýs íþróttafélags í Suðurnesjabæ á grunni Reynis og Víðis og að allt íþróttastarf á vegum Ksf. Reynis færist til þess félags. Tillagan byggði á viljayfirlýsingu sem íþróttafélögin tvö gerðu með Suðurnesjabæ í október 2024.

Góð mæting var á fundinn og greiddu alls 168 Reynisfélagar atkvæði um tillöguna. Já sögðu 29 en nei sögðu 138. Ein seðill var auður. Tillagan var því felld.

Breytt staðsetning á auka aðalfundi Ksf. Reynis mánudaginn 12. maí 2025.
Breytt staðsetning á auka aðalfundi Ksf. Reynis mánudaginn 12. maí 2025. 940 600 Knattspyrnufélagið Reynir

Vakin er athygli á breyttri staðsetningu auka aðalfundar Ksf. Reynis mánudaginn 12. maí n.k. Fundurinn mun fara fram í Samkomuhúsinu í Sandgerði og hefst kl. 20:00. Auglýsingu fundarins má sjá hér:

Auka aðalfundur Knattspyrnufélagsins Reynis

Ertu félagi í Reyni?
Ertu félagi í Reyni? 940 600 Knattspyrnufélagið Reynir

Boðað hefur verið til aukaaðalfundar hjá Ksf. Reyni sem fer fram mánudaginn 12. maí n.k. þar sem kosið verður um tillögu um stofnun nýs íþróttafélags í Suðurnesjabæ. Fundurinn var auglýstur á heimasíðu Reynis mánudaginn 5. maí s.l. Á fundinum hafa allir skuldlausir almennir félagsmenn 16 ára og eldri atkvæðisrétt.

Vilji fólk skrá sig sem félaga í Ksf. Reynis eða kanna hvort það sé á félagaskrá er hægt að senda skilaboð á Facebook-síðu Reynis eða senda tölvupóst á netfangið adalstjorn@reynir.is . Félagsgjaldið er 2.500,-

Auka aðalfundur Knattspyrnufélagsins Reynis
Auka aðalfundur Knattspyrnufélagsins Reynis 940 600 Knattspyrnufélagið Reynir

Auka aðalfundur Knattspyrnufélagsins Reynis

í Reynisheimilinu, mánudaginn 12. maí 2025 kl. 20:00

Boðað er til auka aðalfundar Knattspyrnufélagsins Reynis. Fundurinn fer fram mánudaginn 12. maí 2025 í Samkomuhúsinu í Sandgerði og hefst kl. 20:00.

Dagskrá:

  1. Afgreiðsla á tillögu um stofnun nýs íþróttafélags í Suðurnesjabæ“.

Samkvæmt 9. gr. laga félagsins hafa allir skuldlausir félagsmenn 16 ára og eldri tillögurétt og málfrelsi og atkvæðisrétt á aðalfundi félagsins.

 

Aðalstjórn Knattspyrnufélagsins Reynis

Kynningarfundur um stofnun nýs íþróttafélags
Kynningarfundur um stofnun nýs íþróttafélags 940 600 Knattspyrnufélagið Reynir

TILLAGA AÐ STOFNUN NÝS ÍÞRÓTTAFÉLAGS Í SUÐURNESJABÆ

Kynningarfundur í Reynisheimilinu

mánudaginn 5. maí 2025 kl. 20:00

 

Á  dagskrá er kynning á tillögu að stofnun nýs íþróttafélags í Suðurnesjabæ og umræður um hana. Kosið verður um tillöguna á auka aðalfundi Ksf. Reynis sem mun fara fram 12. maí 2025.

Kynningarfundurinn er öllum opinn og á honum mun fólki gefast kostur á því að skrá sig sem félaga í Knattspyrnufélagið Reyni.

Aðalstjórn Knattspyrnufélagsins Reynis

Fundir vegna tillögu að stofnun nýs íþróttafélags í Suðurnesjabæ fara fram 5. maí og 12. maí 2025
Fundir vegna tillögu að stofnun nýs íþróttafélags í Suðurnesjabæ fara fram 5. maí og 12. maí 2025 940 600 Knattspyrnufélagið Reynir

Frá því í október 2024 hafa fulltrúar Ksf. Reynis, Ksf. Víðis og Suðurnesjabæjar átt í viðræðum um stofnun nýs íþróttafélags í Suðurnesjabæ. Sú vinna byggir á sameiginlegri viljayfirlýsingu þessara aðila þar sem kemur fram að markmiðin með þessu séu eftirfarandi:

• Auka fagmennsku og gæði í íþróttastarfinu.
• Stuðla að fjölbreytni íþróttagreina.
• Til verði eitt íþróttafélag sem samfélagið í Suðurnesjabæ sameinast um.
• Stuðla að aukinni íþróttaiðkun hjá fólki á öllum aldri og af öllum kynjum.
• Unnið verður markvisst að uppbyggingu á aðstöðu til íþróttaiðkunar í Suðurnesjabæ og bættri nýtingu núverandi mannvirkja.
• Aukinn og markvissari stuðningur frá Suðurnesjabæ við hið nýja íþróttafélag.

 

Nú sér fyrir endan á þessari vinnu sem hefur verið í gangi og mánudaginn 5. maí verður haldinn kynningarfundur fyrir félaga í Ksf. Reyni á tillögu að stofnun nýs íþróttafélags í Suðurnesjabæ. Mánudaginn 12. maí verður svo haldinn aðalfundur Ksf. Reynis þar sem m.a. verður kosið um tillöguna. Bæði kynningarfundurinn og aðalfundurinn eru opnir öllum félögum í Ksf. Reyni og  í samræmi við nýsamþykktar lagarbreytingar hafa allir félagar 16 og ára og eldri atkvæðarétt á aðalfundi. Báðir þessir fundir verða auglýstir nánar þegar nær dregur og í komandi viku munu koma nánari upplýsingar varðandi félagaskrá og það sem henni tengist.

 

Knattspyrnufélagið Reynir Sandgerði // Stafnesvegur 7 // 245 Suðurnesjabær, Iceland

Enter your
text here