Knattspyrna

Óðinn tekur slaginn áfram

Óðinn tekur slaginn áfram 2560 1920 Knattspyrnufélagið Reynir

Varnarmaðurinn Óðinn Jóhannsson hefur skrifað undir áframhaldandi samning við knattspyrnudeild Reynis um að leika með liðinu í 3. deild karla á næsta tímabili.

Óðinn er 25 ára Keflvíkingur en hann á að baki 109 leiki í meistaraflokki og þar af 91 leik með Reyni en hann spilaði 13 leiki í 2. deild karla á síðasta tímabili. Óðinn hefur verið í námi í Bandaríkjunum síðustu ár en er nú alfarið kominn heim til Íslands.

Stjórn knattpyrnudeildar Reynis fagnar þessum tíðindum og hlakkar til að sjá Óðinn á vellinum á komandi tímabili.

Aðalfundur knattspyrnudeildar

Aðalfundur knattspyrnudeildar 940 600 Knattspyrnufélagið Reynir

Aðalfundur knattspyrnudeildar Reynis fór fram í Reynisheimlinu við Stafnesveg föstudaginn 18. nóvember sl. Á fundinum fóru fram hefðbundin aðalfundarstörf og má sjá fundargerð í heild sinni hér að neðan.

Á fundinum urðu breytingar á stjórn knattspyrnudeildar en þeir Sigursveinn Bjarni Jónsson og Hannes Jón Jónsson ákváðu að stíga til hliðar. Inn í stjórnina komu í þeirra stað Valdís Fransdóttir og Ómar Svavarsson.

Nýkjörin stjórn knattspyrnudeildar Reynis vill nota tækifærið og þakka þeim Sigursveini og Hannesi fyrir ómetanlegt framlag til knattspyrnustarfs í Sandgerði síðustu ár.

Á fundinum voru eftirtaldir aðilar kjörnir í stjórn knattspyrnudeildar Reynis:

Andri Þór Ólafsson, formaður
Hjördís Ósk Hjartardóttir: varaformaður
Margrét Bjarnadóttir, gjaldkeri
Valdís Fransdóttir, ritari
Björn Ingvar Björnsson: meðstjórnandi
Ásdís Ösp Ólafsdóttir: meðstjórnandi
Ástrós Jónsdóttir: meðstjórnandi
Ómar Svavarsson: varamaður
Ása Ingibjörg Sigurbjörnsdóttir: varamaður
Jóhann Jóhannsson: varamaður

fundargerð-aðalfundur ksd 2022

Sindri áfram í Reynistreyjunni

Sindri áfram í Reynistreyjunni 2560 1920 Knattspyrnufélagið Reynir

Það gleður okkur að tilkynna að varnarmaðurinn knái Sindri Lars Ómarsson hefur skrifað undir samning við Reyni um að leika með félaginu í 3. deild karla á komandi tímabili. Þessi 24 ára Sandgerðingur hefur leikið allan sinn feril með Reyni en hann á að baki 165 leiki fyrir félagið.

“Ég er hrikalega spenntur fyrir komandi tímabili og er fullur tilhlökkunar að taka slaginn áfram með mínu heimaliði.” sagði Sindri við undirritun samningsins.

Stjórn KSD Reynis lýsir yfir ánægju sinni með samkomulagið og hlakkar til að sjá Sindra í Reynistreyjunni á næsta tímabili.

Einar og Ægir framlengja

Einar og Ægir framlengja 2560 1920 Knattspyrnufélagið Reynir

Leikmennirnir Einar Sæþór Ólason og Ægir Þór Viðarsson hafa framlengt samninga sína við Reyni en þeir komu báðir til Reynis fyrir síðasta tímabil og léku með liðinu í 2. deild karla.

Ægir er 20 ára sóknarmaður, uppalinn í Keflavík, en hann lék 18 leiki á síðasta tímabili og þar af 10 leiki í 2. deild.

Einar er 21 árs varnarmaður, uppalinn í Keflavík og lék með liði RB áður en hann kom til félagsins. Hann á að baki 30 leiki í meistaraflokki og þar af 17 leiki með Reyni.

Stjórn KSD Reynis fagnar því að þessir öflugu leikmenn verði áfram hjá félaginu og hlakkar til að sjá klæðast hvítu treyjunni á komandi tímabili.

Alexander aðstoðar Ray

Alexander aðstoðar Ray 2560 1920 Knattspyrnufélagið Reynir

Alexander Magnússon hefur verið ráðinn aðstoðarþjálfari meistaraflokks karla til næstu tveggja ára. Alexander er 33 ára Njarðvíkingur og á 182 leiki að baki í meistaraflokki með Njarðvík, Keflavík, Grindavík, Þrótti V. og Kórdrengjum. Hann hefur síðustu ár þjálfað 2. flokk Njarðvíkur ásamt því að sjá um styrktarþjálfun meistaraflokks.

Alexander verður Ray innan handar sem aðstoðarþjálfari liðsins en hann mun einnig sjá um styrktarþjálfun meistaraflokks.

“Ég er mjög ánægður með að taka þetta skref á mínum þjálfaraferli. Við Ray þekkjumst vel og höfum unnið saman áður sem þjálfarar hjá sameiginlegu liði 2. flokks hjá Njarðvík og Grindavík. Ég er spenntur fyrir því að hefjast handa og leggja mitt af mörkum til fótboltans í Sandgerði.” sagði Alexander af þessu tilefni

Stjórn knattspyrnudeildar lýsir yfir mikilli ánægju með ráðninguna og hlakkar til samstarfsins á komandi árum.

Benni áfram í Reyni

Benni áfram í Reyni 2560 1920 Knattspyrnufélagið Reynir

Varnarmaðurinn Benedikt Jónsson hefur samið við Reyni um að leika með liðinu út næsta keppnistímabil. Benni, sem er 25 ára Keflvíkingur, kom fyrst til Reynis árið 2020 en hann hefur síðan leikið 61 leik með liðinu í öllum keppnum og fest sig í sessi sem lykilmaður í hópnum.

“Ég er mjög spenntur fyrir komandi tímabili. Mér líður vel í Sandgerði og það var ekki spurning um að taka slaginn hérna áfram.” sagði Benni af þessu tilefni.

Stjórn Knattspyrnudeildar Reynis bindur miklar vonir við framlag Benna á komandi tímabili og hlakkar til áframhaldandi samstarfs.

Ray tekur við Reyni

Ray tekur við Reyni 2048 1536 Knattspyrnufélagið Reynir

Ray Anthony Jónsson hefur verið ráðinn þjálfari meistaraflokks Reynis til næstu tveggja ára. Ray ætti að vera flestu knattspyrnufólki kunnugur en hann lék 336 leiki með Grindavík, Keflavík og GG á sínum ferli. Einnig á hann yfir 30 landsleiki fyrir Filippseyjar.

Á þjálfaraferlinum hefur hann þjálfað lið GG, meistaraflokk kvenna hjá Grindavík og núna síðast yngri flokka félagsins. Ray er með UEFA A þjálfararéttindi.

“Það er ánægjulegt að hafa tekið þetta skref að þjálfa Reyni Sandgerði þar sem þetta er mikill fótbolta bær.
Ég hlakka til að byrja, hitta strákana og hefja samstarfið með stjórninni.” sagði Ray við undirskrift í dag

Stjórn knattspyrnudeildar Reynis býður Ray hjartanlega velkominn til félagsins og hlakkar til samstarfsins næstu árin.

Yfirlýsing frá stjórn KSD Reynis

Yfirlýsing frá stjórn KSD Reynis 940 600 Knattspyrnufélagið Reynir

Á fundi aga- og úrskurðarnefndar KSÍ fyrr í þessari viku var leikmaður Reynis dæmdur í fimm leikja keppnisbann vegna óásættanlegrar hegðunar í leik liðsins við KF í 2. deild karla þann 10. september s.l. og jafnframt var félagið dæmt til fjársektar. Knattspyrnufélagið Reynir unir þessum úrskurði sem er sanngjarn og í samræmi við óásættanlega hegðun leikmannsins. Um leið og stjórn knattspyrnudeildar Reynis var kunnugt um málið var umræddur leikmaður sendur í leyfi frá æfingum hjá félaginu og hefur hann nú haldið aftur á sínar heimaslóðir í Króatíu.

Knattspyrnufélagið Reynir í Sandgerði er fulltrúi byggðar þar sem uppruni og bakgrunnur fólks er fjölbreyttur og sá margbreytileiki álitinn styrkur fyrir samfélagið. Þessi fjölbreytileiki endurspeglast í meistaraflokksliði Reynis sem og í iðkendum yngri flokka félagsins. Knattspyrnufélagið Reynir getur því aldrei sætt sig við að leikmenn eða aðrir fulltrúar félagsins láti frá sér ummælli eða sýni af sér hegðum sem byggir á fordómum og mannfyrirlitningu.

Stjórn knattspyrnudeildar Reynis harmar að þetta mál hafi komið upp og biður hlutaðeigandi einstaklinga afsökunar.

24 ár á milli leikja

24 ár á milli leikja 2560 1440 Knattspyrnufélagið Reynir

Nýlega tók Bjarki Már Árnason við þjálfun meistaraflokks karla í knattspyrnu. Reynisliðið hefur nú spilað nokkra leiki undir stjórn Bjarka Más og eru greinileg batamerki farin að sjást á leik liðsins sem fór mjög illa af stað í baráttunni 2. deildinni. Síðasta miðvikudag lék Reynir við Ægi í Þorlákshöfn sem er í toppbáráttu deildarinnar. Leikurinn endaði með 1-1 jafntefli þar sem Magnús Magnússon skoraði jöfnunarmark Sandgerðinga í uppbótartíma síðari hálfleiks.

Þegar tvær mínútur voru til leiksloka kom þjálfarinn sjálfur inn á sem varamaður í liði Reynis. Bjarki Már, sem er 44 ára gamall, lék síðast með Reyni þegar hann var tvítugur árið 1998 og því liðu 24 ár milli leikja hjá honum fyrir félagið, sem er ekki ólíklegt að sé einsdæmi. Það vill svo skemmtilega til að síðasti leikurinn sem Bjarki lék fyrir Reyni tímabilið 1998 var einnig á móti Ægi og endaði líka með jafntefli þar sem Reynismenn jöfnuðu á lokamínútunum. Í það skiptið urðu úrslitin 4-4.

Breytingar á þjálfarateymi meistaraflokks

Breytingar á þjálfarateymi meistaraflokks 940 600 Knattspyrnufélagið Reynir

Luka Jagacic og stjórn knattspyrnudeildar Reynis hafa komist að samkomulagi um starfslok Luka hjá félaginu sem þjálfari meistaraflokks.

Luka gekk til liðs við Reyni sem leikmaður fyrir keppnistímabilið 2019. Hann lenti í slæmum meiðslum sem urðu þess valdandi að hann lagði skóna á hilluna þá um vorið. Luka bauð þá fram krafta sína sem aðstoðarmaður þjálfara og fljótt varð auðsýnt að hann hafði brennandi áhuga og ótvíræða hæfileika til að leggja fyrir sig þjálfun. Hann var aðstoðarþjálfari meistaraflokks karla keppnistímabilin 2020 og 2021. Síðastliðið haust var hann ráðinn sem aðalþjálfari liðsins en lætur nú af störfum. Luka lauk nýverið UEFA-A þjálfunargráðu.

Stjórn knattspyrnudeildar vill þakka Luka fyrir frábært samstarf í gegnum árin.

Bjarki Már Árnason hefur verið ráðinn aðalþjálfari meistaraflokks karla og hefur hann nú þegar tekið til starfa.